3. Eerste, dalk enigste sneeu

Om die hoek van ons.

Bure se tuinstoele

Sneeuhoede ala "Albertus Swanepoel NY"
Onthou om die mooi artikel oor hom te lees in SARIE (Maart 2012) nou op die rakke.

Nog mooier in die aand.

3 Maart

Die ligte sneeu het twee dae gehou en vandag heeltemal gesmelt. Dit was wonderlik om op Skrikkeldag (so saam met Gagga) die sneeu te sien wat begin val. Snaaks dat dit defnitief anders klink as reendruppels op n sambreel - n kraakgeluidjie met elke sagte vlokkie. Dit het deur die nag lig gesneeu en toe ons gisteroggend wakker word het daar steeds n lagie versiersuikersneeu oor alles gesif gele.

Die Amerikaners bly mos in speelgoed huisies wat lyk asof dit vir n mini-dorp temapark gebou is. Wanneer daar sneeu op die dakke le voel dit regtig vir my asof ek in een van daardie glas ornamente bly wat jy skud, die sneeu sien rondwaai en wat dan gaan le. Ek onthou hoe ek hierdie houtwonings 25 jaar gelede al nie ernstig kon opneem nie. Huise is mos veronderstel om gepleister te wees en gebou te word van bakstene, sement en teels.

Voor julle dalk dink ek probeer poëties klink (ek skryf net n paar notas om te onthou) terug na die werklikheid. Renee verjaar more en dis n uitdaging sonder die belangrikste mense in haar lewe (darem seker naas ma - en pa wat more later by ons aansluit): haar sussie en Arne, boetie en Stefanie en die twee groot maats tuis - Katrin en Jessica. Sou ook gaaf gewees het as Francois (boyfriend) hier kon wees. 

Daar was n house warming (tema: American Braai - hoekom?) by Huis Heyns in The Ring vandag. Hopelik is die spannetjie teen 3 uur moremiddag wakker om op Skype te help sing. Ons getalle is erg uitgedun hierdie rondte - seker die eerste keer wat ons net twee van die vyf is om die een vir die ander te sing. 

Tot op hede (dis nou 2uur die oggend by julle) het ek nog geen boodskappe van die bure, van ADT, die brandweer of die polisie gekry nie, so ek neem aan ons huis staan nog. Enige spies wat dalk wil uitpraat?

2. Op soek na Lady Gaga

file://localhost/Users/Adam/Desktop/Boston%20edit/gagga!.jpg

Gaga (volgens die internet) 

gagga! ons view, maar dit was sy.

1 Maart

Die eerste foto is wat ons van Gaga moes gesien het maar ons angle was anders! Al het ons n uur in vallende sneeu gestaan -  op n afstand agter n versperring. Vir my as Pretorianer wat pas n snikhete somer agter gelaat het, was die sneeu meer indrukwekkend (ek het so iets 25 jaar gelede laas gesien) maar dit was net amper so opwindend vir Renee wat dit vir die heel eerste keer beleef het. 


Wat ons toe gesien het was n motor met donker vensters wat vinnig verby swiep, n halwe wang, n blonde hairdo van agter en n hand wat wuif van agter n groot kar. Gagga (soos ek haar van nou af noem wanneer Renee my nie hoor nie...) het blykbaar iewers op die kampus tussen fans handtekeninge uitgedeel maar daar was geen manier om vooraf uit te vind waar nie - net later op die nuus gesien. Starbucks het darem getroos na die tyd - ons is alweer heeltemal hooked (op Starbucks).

Voor die Born to Brave bus

In die sneeu voor die Sanders Theatre

Wag nog steeds

Born this way

29 Februarie

Ons groot taak vandag - om Lady Gaga te gaan soek in downtown Cambridge Massachusetts - seker gepas dat dit skrikkeldag is en die enigste sneeu van die seisoen, vir vandag voorspel is - hou tog duimvas! Dit sal die beste present ooit vir Renee kan wees - sy verjaar Sondag. 


Ons ken net 3 mense in Boston en het hulle reeds uitgenooi om n draai te kom maak (hoe ken julle ons - moet dit vier). Christof nou in Engeland maar kom darem Sondag terug.

Nie ons huis nie, maar hier naby.

27 Februarie

Groot opwinding aan hierdie kant van die Atlantiese oseaan, en om meer spesifiek te wees in die stad Boston en nog meer spesifiek in die voorstad Cambridge en nog nader - 5 min se stap van ons af by die Sanders Theatre. Dis waar LADY GAGA Woensdag gaan wees om saam met haar ma en Oprah Winfrey, die Born this Way Foundation by Harvard te launch. Moenie my vra wat dit presies behels nie (seker iets in die lyn van Nataniel se huidige show: "Black White Man Woman" by Emperors wat handel oor almal wat nie in een of ander kategorie val nie - dis nwonderlike show moenie mis nie nog aan tot 25 Maart). Dis absolute bysaak want die groot ding is, dalk is daar net n kans dat Renee haar grootste idol van alle tye te siene sal kan kry.

Christof het van hierdie geleentheid te hore gekom en alles probeer om uit te vind hoe om n kaartjie te bekom of om meer inligting oor haar roete van die dag te kry. Dis eintlik net vir die Harvard Graduate Eductation community en daar was net 5 kaartjies vir die publiek te wen. Christof is ook nog more op pad na Engeland so ons sal soos al die ander pleps langs die straat probeer staan (waarskynlik te midde van subzero toestande - reen en sneeu vir Woensdag voorspel) om net n glimpse te kry. Ons hoop is maar daarop dat sy minder gewild onder die akademici hier rond is maar die professor betrokke het vir Christof gese this is a wildly crazy and oversold event. Indien ons net die paparazzi sien sal Renee darem kan se sy het die frenzy rondom Amerikaanse sterre beleef en was op dieselfde tyd op dieselfde plek as mej Gaga - hou tog saam met ons duimvas!! (Ek gebruik nooit twee uitroeptekens nie maar moet in hierdie geval n uitsondering maak).x

1. Aankoms in Boston Feb 2012

Renee in Grand Central Station met die mooi horlosie in die agtergrond
- so n bekende plek in die movies.

Niemand so wonderlik soos ou, (nou famous) vriende nie! 

Albertus help ons met die tasse in NY, geen manier waarop sonder hom sou kon beweeg nie. 

Welkom blomme te Howlandstr 5, Cambridge, Massachusetts 02138
- vir indien iemand vir ons n brief wil skryf - asb!

25 Feb 2012

Aangekom in Boston en dit is vriesend koud hier. Ligte, fyn sneeuvlokkies val op die oomblik aan die eenkant van die huis en aan die anderkant van die huis skyn die son flouerig - dit tel seker vir jakkals trou met ysbeer se vrou? Maar die 'sneeu' is nie genoeg om op die grond te le nie. Mense hier dink dis niks, hulle het laas jaar baie sneeu gehad en hierdie jaar eintlik nog weinig.

Nogal n uitdaging om uit te gaan veral omdat ek n erge verkoue opgedoen het - seker maar te doen met die verandering van omgewing en gejaagde weggaan tuis. Gelukkig het Albertus ons Woensdag, 22 Feb in NY ontmoet en vir ons regte 'Albertus Swanepoel, New York' sneeuhoede saamgebring. Wanneer ek uitgefigure het hoe om hierdie foto's buite geneem te kry sonder om in daardie oomblik heeltemal vas te vries, sal ek julle laat weet hoe ons daarmee lyk. Op die oomblik is ons net in survivor mode en probeer akklimatiseer. Renee dink natuurlik ek sit aan, sy wil net uitgaan!

Ons huisie is baie 70's, redelik oud maar goed toegerus. Heeltemal groot genoeg, eintlik te groot. Christof gaan ook baie hier werk want die kantoor by die law school se rekenaars werk nie so lekker nie. Eintlik moeilik om te glo want die splinternuwe gebou - 5 min se stap van ons af - het miljoene dollars gekos het is is regtig n pragtige plek, sal ook nog foto's post.

Ons is so 12min van Harvard Square Tubestasie af en het vandag vir ons 'Charliekaarte' (nav die Charlesrivier wat deur Boston vloei) gekoop om mee te ry. Ons wou al downtown Boston toe gaan maar die erge winde by die koue vandag gaan die uitstappie n bietjie verder op ys plaas. Intussen verken ons die omgewing hier rondom Harvard Square en verkyk ons aan die Amerikaners se manier van doen - meestal baie indrukwekkend.

Tot later..f